the republic of the union of myanmar
ministry of health
Department of Traditional Medicine
ထို့နောက် တိုင်းရင်းဆေးတက္ကသိုလ် ပါမောက္ခချုပ် ပါမောက္ခဒေါက်တာသိန်းဇော်လင်းက အမှာစကား ပြောကြားကာ မော်ကွန်းထိန်းက ဘွဲ့လွန်သင်တန်းဆိုင်ရာ စာမေးပွဲနှင့် သင်တန်းစည်းမျဉ်း စည်းကမ်း များအား ရှင်းလင်းပြောကြားပြီး တိုင်းရင်းဆေးတက္ကသိုလ် ပါမောက္ခချုပ်က တိုင်းရင်းဆေးပညာ ဦးစီးဌာန ညွှန်ကြားရေးမှူးချုပ်ထံ အမှတ်တရလက်ဆောင် ပေးအပ်ပါသည်။
ဆက်လက်၍ တိုင်းရင်းဆေးပညာရပ်ဆိုင်ရာအကြံပေးအဖွဲ့ (ဥက္ကဋ္ဌ)ကိုယ်စား အဖွဲ့ဝင်တစ်ဦး၊ ဥက္ကဋ္ဌ မြန်မာနိုင်ငံတိုင်းရင်းဆေးကောင်စီ၊ ဒုတိယဥက္ကဋ္ဌ-၂၊ မြန်မာနိုင်ငံတိုင်းရင်းဆေးဆရာအသင်း(ဗဟို) ဥက္ကဋ္ဌ မြန်မာနိုင်ငံတိုင်းရင်းဆေးဝါးထုတ်လုပ်သူများနှင့် ဆေးပစ္စည်းလုပ်ငန်းရှင်များအသင်းတို့က ပါမောက္ခချုပ်ထံ ဖွင့်ပွဲအမှတ်တရ ဂုဏ်ပြုပန်းခြင်းများပေးအပ်ကာ စုပေါင်းမှတ်တမ်းတင် ဓာတ်ပုံရိုက်ကူးကြပါသည်။
အဆိုပါအခမ်းအနားသို့ ပါမောက္ခ/ ဌာနမှူးများ၊ မန္တလေးတိုင်းဒေသကြီး တိုင်းရင်းဆေးပညာဦးစီးဌာနမှူး၊ ဆေးရုံအုပ်ကြီး၊ မန္တလေး ခုတင်(၁၀၀)ဆံ့ သင်ကြားရေးတိုင်းရင်းဆေးရုံ၊ တိုင်းရင်းဆေးဝါးစက်ရုံမှူး၊ ဆရာ၊ ဆရာမများ၊ ဘွဲ့လွန် သင်တန်းသူ၊ သင်တန်းသားများ တက်ရောက်ခဲ့ကြကြောင်းသတင်းရရှိသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
