the republic of the union of myanmar
ministry of health
Department of Traditional Medicine
တိုင်းရင်းဆေးတက္ကသိုလ်၊ မန္တလေးတွင် စတုတ္ထနှစ်အောင်မြင်ပြီးသော ကျောင်းသား/ကျောင်းသူများ အား အလုပ်သင်တာဝန်ပေးအပ်ပွဲကို ၂၀၂၃ ခုနှစ် ဒီဇင်ဘာလ (၂၈) ရက်နေ့၊ နံနက် (၉:၀၀) နာရီတွင် အခန်းမှတ် (၁၀၆) အစည်းအဝေးခန်း၌ ကျင်းပခဲ့ရာ အဆိုပါအခမ်းအနားတွင် တိုင်းရင်းဆေးတက္ကသိုလ်၊ မန္တလေး၊ ပါမောက္ခချုပ် ပါမောက္ခဒေါက်တာသိန်းဇော်လင်းက အဖွင့်အမှာစကားပြောကြားကာ၊ မော်ကွန်းထိန်းက အုပ်ချုပ်ရေးနှင့် စည်းကမ်းများကို ရှင်းလင်းပြောကြားပြီး တက်ရောက်လာကြသော ဆရာကြီး၊ ဆရာမကြီးများ က အလုပ်သင် ဆရာ၊ ဆရာမများကို ဆုံးမဩဝါဒ စကားများ ပြောကြားကြပါသည်။ အဆိုပါ အခမ်းအနားကို တိုင်းရင်းဆေးတက္ကသိုလ် ပါမောက္ခချုပ်၊ ဒုတိယပါမောက္ခချုပ် (စီမံ)၊ တိုင်းဒေသကြီးဦးစီးမှူး၊ ခုတင် (၁၀၀) ဆံ့ သင်ကြားရေးဆေးရုံ(မန္တလေး) ဆေးရုံအုပ်ကြီး၊ တိုင်းရင်းဆေးဝါးထုတ်လုပ်ရေး စက်ရုံမှူး၊ ပါမောက္ခ/ဌာနမှူးများ၊ ဒုတိယပါမောက္ခ ဌာနမှူးဆရာ၊ ဆရာမများ၊ မော်ကွန်းထိန်း၊ ခုတင် (၁၀၀) ဆံ့ သင်ကြားရေး တိုင်းရင်းဆေးရုံ (ရန်ကုန်၊ နေပြည်တော်)မှ ဒုတိယဆေးရုံအုပ်များ၊ အလုပ်သင် ဆရာ၊ ဆရာမများ တက်ရောက်ကြပြီး အလုပ်သင်ဆရာ၊ ဆရာမများကို ခုတင် (၁၀၀) ဆံ့ တိုင်းရင်းဆေးရုံများ (ရန်ကုန်၊ မန္တလေး၊ နေပြည်တော်) သို့ တာဝန်ခွဲဝေချထားကာ ၂၀၂၄ ခုနှစ် ဇန်နဝါရီလ (၁) ရက်နေ့မှ စတင်ကာ အလုပ်သင်တာဝန်များကို (၁) နှစ်တိတိ သင်ယူတာဝန်ထမ်းဆောင်ရမည်ဖြစ်ကြောင်း သိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
