တပေါင်းလပြည့် မြန်မာသမားတော်များနေ့ အခမ်းအနားကို ကချင်ပြည်နယ် တိုင်းရင်းဆေးပညာဦးစီးဌာန ပြည်နယ်ဦးစီးဌာနမှုးရုံး၌ ၂၄-၃-၂၀၂၄ ရက်နေ့တွင် ကျင်းပခဲ့ရာ ကွယ်လွန်သွားသည့် တိုင်းရင်းဆေး သမားတော်ဆရာကြီး/ ဆရာမကြီးများအား ရည်စူးပြီးသက်ရှိ ဆရာကြီး/ ဆရာမကြီးများကိုအမှူးထား၍ သံဃာတော်များအား ဆွမ်းဆက်ကပ်လှူဒါန်းခြင်း ဧည့်သည်တော်များနှင့် ဝန်ထမ်းများအား နေ့လည်စာဖြင့်ကျွေးမွေးကုသိုလ်ဒါနပြုခဲ့ကြောင်း သိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။