အဆိုပါ ကွင်းဆင်းဆေးကုသမှုဆောင်ရွက်စဉ် တိုင်းရင်းဆေးပညာအကြောင်းသိကောင်းစရာနှင့် ကျန်းမာသက်ရှည်နေထိုင်နည်းတို့ကို ကျန်းမာရေးအသိပညာဖြန့်ဝေခြင်းနှင့် အကြောအရိုးအဆစ် ဝေဒနာ ခံစားနေကြရသော ဒေသခံသက်ကြီးရွယ်အိုများအား ကျန်းမာရေးစောင့်ရှောက်မှုပေးခြင်း၊ ဒူးနာရောဂါ၊ ခါးနာရောဂါ၊ ထိခိုက်ဒဏ်နာ၊ အာရုံကြောရောဂါအမျိုးမျိုးတို့ကို လက်တွေ့စမ်းသပ်ကုသပေးခြင်းများ ဆောင်ရွက်ခဲ့ရာ လူနာစုစုပေါင်း(၁၆၀)ဦးကို ကျန်းမာရေးစောင့်ရှောက်မှုပေးနိုင်ခဲ့ကြောင်း သိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။