Department of Traditional Medicine

မန္တလေးတိုင်းဒေသကြီး သာစည်မြို့နယ်၌ ပြည်သူများ ကျန်းမာရေးနှင့်ပတ်သက်၍ တိုင်းရင်းဆေး အကြောင်း ကျယ်ကျယ်ပြန့်ပြန့်သိရှိနိုင်ရန် တိုင်းရင်းဆေးပညာဦးစီးဌာန၊ မြို့နယ်တိုင်းရင်းဆေးကုဌာနနှင့် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်းပြီး မိရိုးဖလာရိုးရာကုထုံးတစ်မျိုးဖြစ်သည့် ကြပ်ထုပ်အကြောင်း သိကောင်းစရာ အသိပညာပေးဆွေးနွေးပွဲကို ဩဂုတ် ၂၆ ရက်မွန်းလွဲပိုင်းက မြို့နယ် ပြန်/ဆက်ဦးစီးဌာန လူထုအခြေပြုဗဟိုဌာနတွင်ပြုလုပ်ကြောင်းသိရသည်။

အသိပညာပေးဆွေးနွေးပွဲတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနဦးစီးအရာရှိဒေါ်သင်းသင်းနှင့်မြို့နယ်တိုင်းရင်းဆေးကုဌာနဦးစီးမှူးဒေါ်ခင်မြင့်မွန်တို့က ကြပ်ထုပ်အဓိပ္ပါယ်၊ ကြပ်ထုပ်အမျိုးအစားများ၊ ပါဝင် ပစ္စည်းများ၊ ကြပ်ထုပ်ထိုးခြင်းသည် နှစ်ပေါင်းများစွာအသုံးပြုခဲ့သောမိရိုးဖလာ ရိုးရာကုထုံး တစ်မျိုးဖြစ်သည့် အတွက် လူတိုင်းအလွယ်တကူထိရောက်စွာအသုံးပြုနိုင်သော်လည်း သတိပြုရမည့်အချက်များနှင့် ကြပ်ထုပ်မထိုး  သင့်သော အခြေအနေများရှိကြောင်း ၊ကြပ်ထုပ်ထိုးကုသသင့်သောရောဂါများ၊ ကြပ်ထုပ်ထိုးခြင်းဖြင့် ရရှိနိုင်သောအကျိုးကျေးဇူးများကို ဆွေးနွေးခဲ့ကြောင်းသိရသည်။

သာစည်မြို့နယ်တွင် ပြည်သူများ အသိပညာဗဟုသုတများရရှိစေရန် မြို့နယ်ပြန်ကြားရေးနှင့်ပြည်သူ့ ဆက်ဆံရေး ဦးစီးဌာနလူထုအခြေပြုဗဟိုဌာန၌ online မှတဆင့် အသိပညာပေး ဆွေးနွေးဆောင်ရွက်ပေးခဲ့ပါသည်