the republic of the union of myanmar
ministry of health
Department of Traditional Medicine
အခမ်းအနားတွင် သဘာပတိအဖြစ် ပြည်နယ်ဦးစီးဌာနမှူး ဒေါ်စိုးစိုးယဉ်နှင့် တွဲဖက်သဘာ ပတိအဖြစ် ဒေါ်ကြည်ကြည်ဌေး ခုတင်(၅၀)ဆံ့ ဘားအံတိုင်းရင်းဆေးရုံ၏ဆေးရုံအုပ်(ငြိမ်း)၊ အခမ်းအနားမှူးအဖြစ် ခုတင်(၅၀)ဆံ့ ဘားအံတိုင်းရင်းဆေးရုံမှ ဒေါ်နန်းမင်းမင်းအေး အထက်တန်း သူနာပြုတို့ မှ ဆောင်ရွက်ခဲ့ပါသည်။
အဆိုပါအခမ်းအနားတွင် ထိပ်ကပ်နာရောဂါစာတမ်းကို ဘားအံမြို့နယ် တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်ဌေးဌေးနွယ်က ပြုစုရေးသား၍ ဘားအံခရိုင်တိုင်းရင်းဆေးကုဌာနမှ ဒုတိယတိုင်းရင်းဆေးမှူး ဒေါ်မေသဉ္ဇာဝင်းမှ ဖတ်ကြားခဲ့ပြီး တက်ရောက်လာသော ဆရာ/ဆရာမများမှ စာတမ်းအား ဝိုင်းဝန်းဆွေးနွေး အကြံပြုပေးကြပါသည်။
အဆိုပါအခမ်းအနားသို့ ကရင်ပြည်နယ်တိုင်းရင်းဆေးဆရာအသင်းခွဲမှ ဆရာ/ဆရာမများ၊ တိုင်းရင်းဆေးရုံနှင့် ပြည်နယ်၊ခရိုင်၊ မြို့နယ်တိုင်းရင်းဆေးကုဌာနတို့မှ ဆရာဆရာမများစုစုပေါင်း (၂၆) ဦး တက်ရောက်ခဲ့ပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
