the republic of the union of myanmar
ministry of health
Department of Traditional Medicine
ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာန၏ “တိုင်းရင်းဆေးပညာဖြင့် ပဏာမ ကျန်းမာရေးစောင့်ရှောက်မှုပေးရန်အတွက် အခြေခံတိုင်းရင်းဆေးပညာပေး သင်တန်းများ ပို့ချနိုင်ရန်သင်တန်း “Training Of Trainers (TOT)” ဖွင့်ပွဲအခမ်းအနားကို ရုံးအမှတ်(၄၇)၊ တိုင်းရင်းဆေးပညာဦးစီးဌာန၊ အစည်းအဝေးခန်းမ နေပြည်တော်၌ ၂၃-၆-၂၀၂၃ ရက်နေ့ နေ့လယ်ပိုင်းကကျင်းပပြုလုပ်ရာ တိုင်းရင်းဆေးပညာဦးစီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ တိုင်းဒေသကြီး/ ပြည်နယ်ဦးစီးဌာနမှူးများ၊ ခုတင်(၁၀၀)ဆံ့တိုင်းရင်းဆေးရုံ မှ ဆေးရုံအုပ်ကြီးများ၊ စက်ရုံမှူး၊ တိုင်းရင်းဆေးဝါး စက်ရုံ(မန္တလေး)တို့မှ တာဝန်ရှိသူများက In Person & Virtual ဖြင့် တက်ရောက်ကြသည်။
အခမ်းအနားတွင် သဘာပတိ ညွှန်ကြားရေးမှူးချုပ် ဆရာမကြီး ဒေါက်တာစုစုဒွေးက ပြည်သူလူထုအား တိုင်းရင်းဆေးပညာဖြင့် ကျန်းမာရေးစောင့်ရှောက်မှုပေးနိုင်ရန်အတွက် အခြေခံတိုင်းရင်းဆေးပညာပေးသင်တန်းများ ပို့ချရာတွင် စနစ်တကျ ဖြစ်စေရန် ရည်ရွယ်၍ သင်တန်းဖွင့်လှစ်ရခြင်းဖြစ်ကြောင်းပြောကြားကာ ဆက်လက်၍ ဒုတိယညွှန်ကြားရေးမှူးချုပ် ဆရာ ဦးသန်းညွန့်က သင်တန်းပို့ချပေးခဲ့ပါပြီး အဆိုပါ သင်တန်းသို့ တက်ရောက်သူ သင်တန်းသား/သူ (၂၀)ဦး တက်ရောက်ခဲ့ကြောင်း သိရှိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
