the republic of the union of myanmar
ministry of health
Department of Traditional Medicine
ရခိုင်ပြည်နယ် စစ်တွေမြို့ခုတင် (၅၀)ဆံ့တိုင်းရင်းဆေးရုံမှ တိုင်းရင်းဆေးပညာစဉ်ဆက်မပြတ်ပညာပေးရေး အစီအစဉ် CTME တုပ်ကွေးရောဂါစာတမ်း ခေါင်းစဉ်ဖြင့် ကျင်းပခဲ့ပါသည်။
အဆိုပါအခမ်းအနားကို ရခိုင်ပြည်နယ် စစ်တွေမြို့ခုတင် (၅၀)ဆံ့တိုင်းရင်းဆေးရုံ၌ ၃၁-၁-၂၀၂၃ ရက်နေ့တွင်ကျင်းပခဲ့ပါသည်။ သဘာပတိအဖြစ် ပြည်နယ်ဦးစီးဌာနမှူး ဒေါ်သိန်းသိန်းဦးက ဆောင်ရွက်ပြီး ကျောက်ဖြူခရိုင် ရမ်းဗြဲမြို့နယ်တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်ခင်လင်းရွှေ က တုတ်ကွေးရောဂါ စာတမ်း ကို ဖတ်ကြားတင်ပြကာ စစ်တွေမြို့နယ် ဒုတိယတိုင်းရင်းဆေးမူး ဦးသိန်းဌေးအောင် က အခမ်းအနားမှူးအဖြစ် ဆောင်ရွက်ပါသည်။
အခမ်းအနားသို့ တိုင်းရင်းဆေးပညာကိုစိတ်ဝင်စားသူ စုစုပေါင်း(၁၅)ဦး တက်ရောက်ခဲ့ပြီး စာတမ်းနှင့် ပတ်သက်၍ သိလိုသည်များကို မေးမြန်း၊ ဆွေးနွေးဖြေကြားခြင်းနှင့် အတွေ့အကြုံများကို မျှဝေဆွေးနွေးခဲ့ကြ ကြောင်း သိရှိရပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
