Department of Traditional Medicine

ကျန်းမာရေးဝန်ကြီးဌာန တိုင်းရင်းဆေးပညာဦးစီးဌာန ရန်ကုန်တိုင်းဒေသကြီး တိုင်းရင်းဆေးပညာဦးစီးဌာန၏ စီစဉ်ညွှန်ကြားမှုဖြင့် တောင်ပိုင်းခရိုင် တိုင်းရင်းဆေးမှူး ဒေါ်သန်းသန်းဆွေဦးဆောင်ပြီး တောင်ပိုင်းခရိုင် တိုင်းရင်းဆေးမှူး ဒေါ်သန်းသန်းဆွေနှင့်အတူ ဒလမြို့နယ်တိုင်းရင်းဆေးမှူး ဉီးတင်ဖြိုးအောင်၊ သန်လျင်မြို့နယ် တိုင်းရင်းဆေးခန်းမှူး ဒေါ်ဝါဝါလင်း၊ ဒလမြို့နယ်တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်ညိုညိုသင်း၊ ကျောက်တန်းမြို့နယ် တိုင်းရင်းဆေးကုဌာနမှ လက်ထောက်တိုင်းရင်းဆေးမှူး ဒေါ်အေးမြတ်စိုးတို့နှင့်အတူ ၁၃၊၁၂၊၂၀၂၂ရက်နေ့တွင် ဒလမြို့နယ် မစိုးရိမ်ကျောင်းတိုက်၌ တိုင်းရင်းဆေးပညာဖြင့် ကျန်းမာရေးအသိပညာပေးဟောပြောခြင်းနှင့် အခမဲ့ကွင်းဆင်းဆေးကုသပေးခဲ့ပြီး ခရိုင်တိုင်းရင်းဆေးမှူးမှ ကံ၊ စိတ်၊ ဉတု၊ အာဟာရအကြောင်းနှင့် ရောဂါဖြစ်ပွားလျှင်ဆောင်ရန် ရှောင်ရန်တို့ကို ဒေသခံမြို့သူ မြို့သား စုစုပေါင်း (၄၅)ဦးတို့အား အသိပညာပေးဟောပြောပို့ချခဲ့ပြီး မေးမြန်းချက်များကို ပြန်လည်ဖြေကြားပေးခဲ့ပါသည်။

ထို့နောက် တိုင်းရင်းဆေးဖြင့် ဒူးနာ ခါးနာ သွေးတိုး ဆီးချို မီးယပ် လေဖြတ်လေငန်း ကျီပေါင်းရောဂါတို့အား ကုသ ပေးခဲ့ရာ လူနာ ကျား(၁၈)ဦး မ(၅၃)ဦး စုစုပေါင်း (၇၁)ဦးတို့အား အခမဲ့ဆေးကုသပေးခဲ့ကြကြောင်းနှင့် အဆိုပါ ကွင်းဆင်းဆေးကုသမှုသို့ စကြာမင်းတိုင်းရင်းဆေးဝါးထုတ်လုပ်ရေးနှင့် ထိရင်လန်းတိုင်းရင်းဆေးဝါး ထုတ်လုပ်ရေးတို့မှ တိုင်းရင်းဆေးဝါးများ ပေးပို့လှူဒါန်းခဲ့ကြောင်း သိရှိရပါသည်။