the republic of the union of myanmar
ministry of health
Department of Traditional Medicine
၂၀၂၂ ခုနှစ် နိုဝင်ဘာလ ၁၇ ရက်နေ့ နံနက် ၁၀ နာရီတွင် တိုင်းရင်းဆေးပညာစဉ်ဆက်မပြတ်ပညာပေးရေး အစီအစဉ် Continuing Traditional Medical Education (CTME) Programme အခမ်းအနားကို ကျင်းပ ပြုလုပ် ခဲ့ပါသည်။
အဆိုပါအခမ်းအနားတွင် သဘာပတိအဖြစ် ပြည်နယ်ဦးစီးဌာနမှူး ဆရာမကြီးဒေါ်ကြည်ကြည်မြင့်နှင့် တွဲဖက်သဘာပတိအဖြစ် ခုတင် (၅၀)ဆံ့တိုင်းရင်းဆေးရုံ၊တောင်ကြီး ဆေးရုံအုပ်၊ ဒေါ်ချိုက ဆောင်ရွက်ခဲ့ပြီး အခမ်းအနားမှူးအဖြစ် ခုတင်(၅၀)ဆံ့တိုင်းရင်းဆေးရုံ မှ ဒုတိယတိုင်းရင်းဆေးမှူး၊ ဒေါ်မြင့်မြင့်စန်း၊ ကဆောင်ရွက်၍ မြို့နယ်တိုင်းရင်းဆေးကုဌာန(ရပ်စောက်မြို့)မှ မြို့နယ်တိုင်းရင်းဆေးမှူး ဒေါ်ယဉ်ယဉ်မွန်က “အနာ့ပဆုပ်ရောဂါ” စာတမ်းအကြောင်း ဖတ်ကြားတင်ပြဆွေးနွေးခဲ့ပါသည်။
အခမ်းအနားသို့ ခုတင်(၅၀)ဆံ့တိုင်းရင်းဆေးရုံမှ ဆရာ/ဆရာမများ၊တောင်ကြီးခရိုင်၊ (၂၅)ခုတင်ဆံ့ လွိုင်လင် တိုင်းရင်းဆေးရုံ၊ ပင်လုံမြို့နယ်၊ကွန်ဟိန်းမြို့နယ်တိုင်းရင်းဆေးကုဌာနများမှဆရာ/ဆရာမများနှင့် တိုင်းရင်းဆေးပညာ စိတ်ပါဝင်စားသူ စုစုပေါင်း (၅၀)ဦး တက်ရောက်ခဲ့ကြပြီး စာတမ်းနှင့် ပတ်သက်၍ သိလိုသည်များကို မေးမြန်း ဆွေးနွေး၊ဖြေကြားခြင်းနှင့် အတွေ့အကြုံများ မျှဝေဆွေးနွေး ခဲ့ကြောင်း သတင်းရရှိပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
