Department of Traditional Medicine

၂၆-၉-၂၀၂၂၊ နေပြည်တော်

၂၀၂၂ ခုနှစ် စက်တင်ဘာလ ၂၅ ရက်နေ့တွင် တိုင်းရင်းဆေးပညာစဉ်ဆက်မပြတ် ပညာပေးရေးအစီအစဉ် Continuing Traditional Medical Education (CTME) Programme အခမ်းအနားကို ရှမ်းပြည်နယ်  ၂၅ ခုတင်ဆံ့ ကျိုင်းတုံမြို့တိုင်းရင်း​ဆေးရုံ၌ တိုင်းရင်းဆေး ပညာစဉ်ဆက်မပြတ်ပညာပေးရေးအစီအစဉ် “ရေဖျဉ်းရောဂါ” ခေါင်းစဉ်ဖြင့် (CTME) အခမ်းအနားကို ကျင်းပခဲ့ပါသည်။

အဆိုပါ အခမ်းအနားတွင် သဘာပတိအဖြစ် ကျိုင်းတုံမြို့နယ်၊ ခရိုင်​တိုင်းရင်းဆေး ဆရာအသင်းဝင် ဆရာကြီးဦး​အောင်တင့်က ​ဆောင်ရွက်ပြီး အခမ်းအနားမှူးအဖြစ် ကျိုင်းတုံမြို့နယ် တိုင်းရင်းဆေးကုဌာနမှ လက်​ထောက်တိုင်းရင်း​ဆေးမှူး ​ဒေါ်နန်းဝိုးဖတ်က ​ဆောင်ရွက်ပါသည်။

ဆက်လက်ပြီး (၂၅)ခုတင်ဆံ့ ကျိုင်းတုံမြို့နယ် တိုင်းရင်း​ဆေးရုံမှ တိုင်းရင်း​ဆေးမှူး ​ဒေါ်​အေးမြမြဖြူက ရေဖျဉ်းရောဂါအကြောင်း စာတမ်းကိုဖတ်ကြားတင်ပြဆွေးနွေးခဲ့ပါသည်။

တိုင်းရင်းဆေးပညာစဉ်ဆက်မပြတ်ပညာပေးရေးအစီအစဉ် (CTME) အခမ်းအနားသို့  ကျိုင်းတုံခရိုင်မှူး၊ ၂၅ခုတင်ဆံ့ ကျိုင်းတုံ​ဆေးရုံအုပ်နှင့်​ ကျိုင်းတုံခရိုင်၊ တာချီလိတ်၊ မိုင်းယောင်းမြို့နယ်များမှ ဆရာ/ဆရာမများ၊ တိုင်းရင်း​ဆေးအသင်းဝင်များနှင့် စိတ်ပါဝင်စားသူ များရောက်ကြပြီး စာတမ်းနှင့်ပတ်သက်၍ သိလိုသည်များ ​မေးမြန်း​ဆွေး​နွေး​ဖြေကြားခြင်း၊ စာတမ်းတင်ပြသူနှင့် သဘာပတိမှ ပြန်လည်ဆွေးနွေးဖြေကြားခြင်းနှင့် အ​တွေ့အကြုံများမျှ​ဝေကြပြီး စာတမ်းဖတ်ပွဲသို့ တက်ရောက်သူ စုစု​ပေါင်း(၂၈)ဦး ရှိပါကြောင်း သတင်းရရှိပါသည်။