the republic of the union of myanmar
ministry of health
Department of Traditional Medicine
၂၃-၉-၂၀၂၂ နေပြည်တော်
မြန်မာနိုင်ငံတိုင်းရင်းဆေးကောင်စီ အစည်းအဝေးအမှတ်စဉ်(၁/၂၀၂၂)ကို ၂၂-၉-၂၀၂၂ ရက်နေ့က နေပြည်တော်ဟိုတယ်ဇုန်ရှိ မန်းမြန်မာဟိုတယ်တွင်ကျင်းပခဲ့သည်။
အစည်းအဝေးသို့ မြန်မာတိုင်းရင်းဆေးကောင်စီ နာယက တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ဒေါက်တာစုစုဒွေး၊ မြန်မာနိုင်ငံတိုင်းရင်းဆေးကောင်စီ ဥက္ကဋ္ဌ ဆရာကြီး ဦးမြင့်ဦး၊ ဒုတိယဥက္ကဋ္ဌများ၊ အလုပ်မှုဆောင်အဖွဲ့ဝင်များတက်ရောက်ကြပြီး အစည်းအဝေးသို့ online အွန်လိုင်းဖြင့်လည်း ပါဝင်တက်ရောက်ကြသည်။
ရှေးဦးစွာ အစည်းအဝေးပထမပိုင်းအနေဖြင့် တိုင်းရင်းဆေးပညာဦးစီးဌာန ညွှန်ကြားရေးမှူး ချူပ်က နှုတ်ခွန်းဆက်ဩဝါဒစကားပြောကြားရာတွင်-
အလုပ်ဟူသည် “ဂုဏ်” ဟုခံယူထားသည့်အတွက် မိမိတို့အဖွဲ့အစည်းများအနေဖြင့် လုပ်ငန်း တာဝန်များကို မိသားစုစိတ်ဓာတ်ဖြင့် ဆောင်ရွက်ပါက အမြဲတမ်းဂုဏ်ရှိနေမည် ဖြစ်ကြောင်း၊ တိုင်းရင်းဆေးလောကဖွံ့ဖြိုးတိုးတက်ရန် အရေးကြီးကြောင်း၊ မြန်မာနိုင်ငံတိုင်းရင်းဆေး ကောင်စီ၊ မြန်မာနိုင်ငံတိုင်းရင်းဆေးဆရာအသင်း၊ မြန်မာနိုင်ငံတိုင်းရင်းဆေးဝါးထုတ်လုပ်သူများနှင့်ဆေးပစ္စည်းလုပ်ငန်းရှင်များအသင်းတို့ ညီညီညွတ်ညွတ်ဖြင့် ပူးပေါင်းဆောင်ရွက်ပါက မတိုးတက်စရာမရှိပါကြောင်း ပြောကြားခဲ့ပါသည်။
အစည်းအဝေးတက်ရောက်လာကြသူများက တစ်ဦးချင်းမိတ်ဆက်ကြပြီး စုပေါင်း မှတ်တမ်းတင်ဓာတ်ပုံရိုက်ကူးကြကာ အစည်းအဝေးပထမပိုင်းကို ရပ်နားလိုက်သည်။
ထို့နောက် အစည်းအဝေးဒုတိယပိုင်းကို ဆက်လက်ကျင်းပရာ သဘာပတိ မြန်မာနိုင်ငံတိုင်းရင်းဆေးကောင်စီဥက္ကဋ္ဌ ဆရာကြီးဦးမြင့်ဦးက အဖွင့်အမှာစကားပြေားကြားပြီး ကောင်စီအတွင်းရေးမှူး ဆရာဦးဝင်းဇော်က အလုပ်အမှုဆောင်အဖွဲ့၏ ဆောင်ရွက်ချက်များကို ရှင်းလင်းတင်ပြ၍ တက်ရောက်လာကြသူများက ဝိုင်းဝန်းဆွေးနွေးအကြံပြုကြကာ အခမ်းအနားကို မွန်းလွဲပိုင်းတွင်ရုပ်သိမ်းလိုက်ကြောင်း သိရှိရပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
