Department of Traditional Medicine

၁၉-၆-၂၀၂၂

ကျန်းမာရေးဝန်ကြီးဌာန၏လမ်းညွှန်မှု၊ တိုင်းရင်းဆေးပညာဦးစီးဌာန၏ကြီးကြပ်စီစဉ်ပေးမှုတို့ဖြင့် နေပြည်တော် ဇေယျာသီရိခရိုင်၊ ဇေယျာသီရိမြို့နယ်၊ မွန်းတည့်ခွင်ကျေးရွာ၌ အကြီးတန်းတိုင်းရင်းဆေးမှူး ဒေါ်နီနီခိုင် ဦးဆောင်၍ ကုသရေးဝန်ထမ်း(၆)ဦးတို့သည် ဇေယျာသီရိမြို့နယ်၊ မွန်းတည့်ခွင်ကျေးရွာရှိ ကျေးရွာသူ/ကျေးရွာသားများအား တိုင်းရင်းဆေး ပညာဖြင့် အခမဲ့ ဆေးကုသမှုပြုခဲ့ပါသည်။ လာရောက်ဆေးကုသခံယူသူ စုစုပေါင်းလူနာ(၇၀)ဦးရှိခဲ့ပါသည်။ ၎င်းကျေးရွာသူ/ကျေးရွာသားများကို မိုးရာသီတွင်အဖြစ်များသောရောဂါများအ​ကြောင်းနှင့် တိုင်းရင်းဆေးဖြင့် ကာကွယ်နည်း၊ ကုသနည်းများ ပညာပေးဟောပြောခဲ့ပါသည်။

အဆိုပါ ကွင်းဆင်းဆေးကုသသည့်အဖွဲ့အား ကျေးရွာမှ တာဝန်ရှိသူများက လိုအပ်သည်များ ကူညီပံ့ပိုးပေးခဲ့ပါကြောင်း သတင်းရရှိပါသည်။