စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ် ၆၃/၂၀၂၀ အရ ကုန်အမှတ်တံဆိပ်မှတ်ပုံတင်လျှောက်ထားခြင်း ကြိုတင်လက်ခံမည့် ကနဦးဖွင့်လှစ်ခြင်း (Soft Opening) အခမ်းအနားအား နေပြည်တော်ရုံးအမှတ် (၅၂)တွင် ကျင်းပပြုလုပ်ခဲ့ရာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့်ပညာရေးဝန်ကြီးဌာနတို့မှပြည်ထောင်စုဝန်ကြီးများဦးဆောင်၍ ဌာနဆိုင်ရာများ၊ စီးပွားရေးလုပ်ငန်းရှင်များ၊ သက်ဆိုင်ရာ အသင်း အဖွဲ့များ၊ နိုင်ငံတကာအထောက်အကူပြုအဖွဲ့အစည်းများ၊ ဥပဒေအကျိုးဆောင်များတက်ရောက်ခဲ့ကြပါသည်။
အဆိုပါအခမ်းအနားသို့ အစားအသောက်နှင့်ဆေးဝါးကွပ်ကဲရေးဦးစီးဌာနနှင့် တိုင်းရင်းဆေးပညာဦးစီးဌာန ညွှန်ကြားရေးမှူးချုပ် ပါမောက္ခဒေါက်တာခင်ဇော်တက်ရောက်ဆွေးနွေးခဲ့ပါသည်။
