အစားအသောက်နှင့်ဆေးဝါးကွပ်ကဲရေး ဦးစီးဌာနနှင့် တိုင်းရင်းဆေးပညာဦးစီးဌာန ပူးတွဲညွှန်ကြားရေးမှူးချုပ် ပါမောက္ခဒေါက်တာခင်ဇော်သည် တိုင်းရင်းဆေးပညာဦးစီးဌာန ရန်ကုန်တိုင်းဒေသကြီးဦးစီးဌာနမှူးရုံးတွင် တိုင်းရင်းဆေးဝါးထုတ်လုပ်ရေးစက်ရုံ (ရန်ကုန်) အဆင်ပြေချောမွေ့စွာပြောင်းရွှေ့နိုင်ရေး ညှိနှိုင်းအစည်းအဝေးသို့ တက်ရောက်ခဲ့ပြီး တိုင်းရင်းဆေးဝါးထုတ်လုပ်ရေးစက်ရုံအကြံပေးအဖွဲ့ဥက္ကဌ ဒေါက်တာတင်ညွန့်နှင့်အဖွဲ့ဝင်များ၊ သက်ဆိုင်ရာတာဝန်ရှိသူများမှ အဆင်ပြေချောမွေ့စွာ ပြောင်းရွှေ့ နိုင်ရေးဆွေးနွေးချက်များအပေါ် အပြန်အလှန် ဆွေးနွေးခဲ့ပါသည်။
ဆက်လက်ပြီးညွှန်ကြားရေးမှူးချုပ်မှ Quality Assurance ဆိုင်ရာလိုအပ်ချက်များနှင့် အညီတိုင်းရင်း ဆေးဝါးထုတ်လုပ် ရေးအတွက် လိုအပ်ချက်များကို ညှိနှိုင်းဆွေးနွေးခဲ့ပါသည်။
ထို့နောက် ညွှန်ကြားရေးမှူးချုပ်နှင့် အဖွဲ့ဝင်များသည် တိုင်းရင်းဆေးဝါးထုတ်လုပ်ရေးစက်ရုံ (ရန်ကုန်)လက်ရှိစက်ရုံဟောင်း၊ ကုန်ချောသိုလှောင်ထားရှိမှု၊ မသုံးစွဲရသေးသော စက်ပစ္စည်းများထားရှိရာနေရာများသို့ လှည့်လည်ကြည့်ရှုစစ်ဆေးခဲ့ကြပါသည်။
