the republic of the union of myanmar
ministry of health
Department of Traditional Medicine
တိုင်းရင်းဆေးပညာဦးစီးဌာန၊ နေပြည်တော် ရုံးချုပ်ရှိ သုတေသနဓာတ်ခွဲခန်းအား ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး ဦးဆောင်သောအဖွဲ့သည် နံနက် (၉:၃၀) အချိန် က လာရောက်ကြည့်ရှစစ်ဆေး၍ ဓာတ်ခွဲခန်းအား ယခုထက်ပိုမိုကောင်းမွန်လာစေရန် လိုအပ်ချက်များအားလမ်းညွန်မူပြုခဲ့ပြီး လိုအပ်ချက်များဖြည့်ဆည်းပေးခဲ့ပါသည်။ အဆိုပါပွဲကို ဝန်ကြီးရုံး ညွန်ကြားရေးမှူးချုပ် ဒေါက်တာသာထွန်းကျော်၊ အစားအသောက်နှင့်ဆေးဝါးကွပ်ကဲရေးဦးစီးဌာန တိုင်းရင်းဆေးပညာ ဦးစီးဌာန ပူးတွဲညွန်ကြားရေးမှူးချုပ် ပါမောက္ခဒေါက်တာခင်ဇော်၊ ကုသရေးနှင့်ပြည်သူ့ကျန်းမာရေးဦးစီးဌာန ညွန်ကြားရေးမှူးချုပ်ဒေါက်တာစိုးဦး၊ တိုင်းရင်းဆေးပညာဦးစီးဌာန ဒုတိယညွန်ကြားရေးမှူးချုပ် ဒေါက်တာသံလွင်ထွန်း၊ ဒုတိယညွန်ကြားရေးမှူးချုပ် ဒေါက်တာတင်တင်မိုး၊ ညွန်ကြားရေးမှူးများ၊ တာဝန်ရှိပုဂ္ဂိုလ်များတက်ရောက်ခဲ့ကြပါသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
