ပြည်ထောင်စုသမ္မတမြန်မာနိုင်ငံတော်အစိုးရ
ကျန်းမာရေးနှင့်အားကစားဝန်ကြီးဌာန
တိုင်းရင်းဆေးပညာဦးစီးဌာန
စာအမှတ် ၊ တဆပ/နဆရ/၂၀၁၉ (၃၃၃)
ရက်စွဲ၊ ၂၀၁၈ ခုနှစ်၊ ဒီဇင်ဘာလ ၁၄ ရက်
သို့
ပါမောက္ခချုပ်၊ တိုင်းရင်းဆေးတက္ကသိုလ်၊ မန္တလေးမြို့
ညွှန်ကြားရေးမှူးများအားလုံး(စီမံခန့်ခွဲရေး၊ ကုသရေး၊ ဆေးဝါး/ဥယျာဉ်၊ သု-ဖွံ့)
အကြောင်းအရာ။ ပညာသင်ဆုလျှောက်ထားနိုင်ကြောင်း အကြောင်းကြားခြင်းကိစ္စ။
ရည် ညွှန်း ချက်။ ကျန်းမာရေးလူ့စွမ်းအားအရင်းအမြစ်ဦးစီးဌာန၏(၁၄.၁.၂၀၁၉) ရက်စွဲပါ စာအမှတ်၊ ၁(က)(၁)၂၀၁၉(၅၂၇)ကလရ
အထက်ပါအကြောင်းအရာကိစ္စနှင့်ပတ်သက်၍ အဇာဘိုင်ဂျန်သမ္မတနိုင်ငံရှိ တက္ကသိုလ်များ၌ ဘွဲ့ကြို၊ မဟာဘွဲ့နှင့် အထွေထွေဆေးပညာဆိုင်ရာဒီပလိုမာဘွဲ့များအား ၂၀၁၉-၂၀၂၀ ပညာသင်နှစ် အတွက် အောက်ဖော်ပြပါပညာသင်ဆုများသို့ ယှဉ်ပြိုင်လျှောက်ထား နိုင်ကြောင်း ကျန်းမာရေးလူ့စွမ်းအားအရင်းအမြစ်ဦးစီးဌာနမှ ရည်ညွှန်းပါစာဖြင့် အကြောင်းကြားလာပါသဖြင့် တိုင်းရင်းဆေး ပညာဦးစီးဌာနလက်အောက်ရှိဌာနအသီးသီးမှ လျှောက်ထားလိုသူများသည် လျှောက်လွှာများကို www.aida.az/scholarship ၌ ရယူနိုင်ပါကြောင်းနှင့် သက်ဆိုင်ရာ Website တွင် (၁၅-၂-၂၀၁၉) ရက်နေ့ နောက်ဆုံးထား၍ ယှဉ်ပြိုင်လျှောက်ထားနိုင်ပါကြောင်း၊ လျှောက်ထားသူများစာရင်းအား ကျန်းမာရေးလူ့စွမ်းအားအရင်းအမြစ်ဦးစီးဌာနသို့ ပြန်လည်ပေးပို့ရမည်ဖြစ်ပါသဖြင့် ညွှန်ကြားရေးမှူးချုပ်၊ တိုင်းရင်းဆေးပညာ ဦးစီးဌာန (ရုံးချုပ်)သို့ (၁၄-၂-၂၀၁၉) ရက်နေ့ထက် နောက်မကျစေဘဲ မိတ္တူပေးပို့နိုင်ပါရန် အသိပေးအကြောင်း ကြားအပ်ပါသည်။
ပူးတွဲ( ၂ )ရွက်