Department of Traditional Medicine

(၂၈.၆.၂၀၁၈)ရက် (ကြာသပတေးနေ့)တွင် ကယားပြည်နယ် တိုင်းရင်းဆေးပညာဦးစီး ဌာနမှူးရုံး၊ မြန်မာနိုင်ငံတိုင်းရင်းဆေးဆရာအသင်းနှင့် ခုတင်(၅၀)ဆံ့ တိုင်းရင်းဆေးရုံ လွိုင်ကော်မြို့တို့ ပူးပေါင်း ဆောင်ရွက်ကျင်းပသောတိုင်းရင်းဆေးပညာစဉ်ဆက်မပြတ် ပညာပေးရေး အစီအစဉ် (CTME) အခမ်းအနားတွင် “ဆီးချိုအနာရောဂါအားလေ့လာခြင်း” ခေါင်းစဉ်ဖြင့် ခုတင်(၅၀)ဆံ့ တိုင်းရင်းဆေးရုံလွိုင်ကော်မြို့ အစည်းအဝေး ခန်းမတွင် ကျင်းပခဲ့ပါသည်။

၎င်းအခမ်းအနားတွင် “ဆီးချိုအနာရောဂါအားလေ့လာခြင်း” စာတမ်းကို (၁၆)ခုတင်ဆံ့ တိုင်းရင်းဆေးရုံ၊ ဒီးမော့ဆိုမြို့မှ ဆရာဦးစိုးထက် (ဒု-တိုင်းရင်းဆေးမှူး)က ဖတ်ကြားပြီး ကယားပြည်နယ်အတွင်းရှိ ခုတင်(၅၀)ဆံ့တိုင်းရင်းဆေးရုံ၊ (၁၆)ခုတင်ဆံ့တိုင်းရင်းဆေးရုံ၊ ခရိုင် တိုင်းရင်းဆေးပညာဦးစီးဌာနနှင့် မြို့နယ်တိုင်းရင်းဆေးကုဌာနမှ ဆရာ၊ ဆရာမများ စုစုပေါင်း(၃၀)ဦး တက်ရောက်ခဲ့ပါသည်။ ဖိတ်ကြားထားသူ များနှင့်တက်ရောက်လာသောဆရာ၊ ဆရာမများမှ မေးမြန်း ဆွေးနွေးမှုများနှင့် အကြံပြုသုံးသပ်ချက်များကို ပြန်လည်ဖြေကြားရှင်းလင်းခဲ့ပြီး အခမ်းအနားကို အောင်မြင်စွာရုတ်သိမ်းခဲ့ပါသည်။