the republic of the union of myanmar
ministry of health
Department of Traditional Medicine
ဧရာဝတီတိုင်းဒေသကြီး၊ တိုင်းရင်းဆေးပညာဦးစီးဌာန၏ စဉ်ဆက်မပြတ် တိုင်းရင်းဆေးပညာပေးရေးအစီအစဉ် (CTME) ကို (၂၂-၇-၂၀၂၄)ရက်နေ့၊ နေ့လည်(၁:၀၀) နာရီအချိန်တွင် တိုင်းဒေသကြီးဦးစီးဌာနမှုးရုံး၌ ကျင်းပ ပြုလုပ်ခဲ့ပါသည်။ အခမ်းအနားတွင် သဘာပတိအဖြစ် တိုင်းရင်းဆေးကောင်စီဝင် ဆရာကြီးဦးသိန်းဝင်းက ဆောင်ရွက်ပြီး အခမ်းအနားမှူးအဖြစ် ပန်းတနော်မြို့နယ် တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဒေါ်ဇာဇာအေးက ဆောင်ရွက်ခဲ့ပါသည်။ အခမ်းအနားတွင် အဆစ်ရောင်ရောဂါစာတမ်းကို မအူပင်မြို့နယ်တိုင်းရင်းဆေးကုဌာနမှ မြို့နယ်တိုင်းရင်းဆေးမှူး ဦးဇော်လင်းမှ ဖတ်ကြားတင်ပြပြီး တက်ရောက်လာသောဆရာ၊ဆရာမများက စာတမ်းနှင့်ပတ်သက်၍ မေးမြန်း ဆွေးနွေး အကြံပြုကြပါသည်။
အဆိုပါ အခမ်းအနားသို့ တိုင်းရင်းဆေးဆရာအသင်းဝင်များနှင့်တိုင်း/ခရိုင်/မြို့နယ်များမှ ဆရာ၊ဆရာမများ စုစုပေါင်း(၅၅)ဦး ခန့် တက်ရောက်ခဲ့ပြီး အခမ်းအနားကို နေ့လည် (၂:၃၀)နာရီ အချိန် တွင် ကျင်းပပြီးစီးခဲ့ကြောင်း သိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
