Department of Traditional Medicine

အဆိုပါအခမ်းအနားတွင် သဘာပတိအဖြစ် မြန်မာနိုင်ငံတိုင်းရင်းဆေးဆရာအသင်း(ဗဟို)၊ နေပြည်တော်မှ အတွင်းရေးမှူး ဆရာကြီးဦးကျော်စိုး က ဆောင်ရွက်ကာ အခမ်းအနားမှူးများအဖြစ် ခုတင်(၁၀၀)ဆံ့တိုင်းရင်းဆေးရုံကြီး၊ နေပြည်တော်မှ ဒုတိယတိုင်းရင်းဆေးမှူး ဦးညီညီအောင် နှင့် ဒုတိယတိုင်းရင်းဆေးမှူး ဦးဇင်မောင် တို့က ဆောင်ရွက်ခဲ့ပါသည်။

          အဆိုပါအခမ်းအနား၌ ခုတင်(၁၀၀)ဆံ့တိုင်းရင်းဆေးရုံကြီး၊ နေပြည်တော်မှ စာတမ်းရှင်      တိုင်းရင်းဆေးမှူး ဦးအောင်သူ က ပန်းနာရင်ကျပ်ရောဂါကို ကုထုံးအစဉ်ဖြင့် ကုသခြင်းအား လေ့လာတင် ပြခြင်းအကြောင်းကို ဖတ်ကြားဆွေးနွေးပြီး မြန်မာနိုင်ငံတိုင်းရင်းဆေးဆရာအသင်း(ဗဟို)၊ နေပြည်တော်မှ (၁)ဦး၊ နေပြည်တော် တိုင်းရင်းဆေးပညာဦးစီးဌာန(ရုံးချုပ်)မှ လက်ထောက်ညွှန်ကြားရေးမှူး(၁)ဦး၊ နေပြည်တော်တိုင်းဒေသကြီး ဒုတိယတိုင်းဦးစီးဌာနမှူး(၁)ဦး၊ ခုတင်(၁၀၀)ဆံ့တိုင်းရင်းဆေးရုံကြီး၊ နေပြည်တော်မှ ဆေးရုံအုပ်ကြီး ဒေါ်မူမူချိုနှင့် ဆရာ/ဆရာမ(၃၂)ဦး စုစုပေါင်း(၃၅)ဦး တက်ရောက်ကာ တိုင်းရင်းဆေးပညာ ဖွံ့ဖြိုးတိုးတက်ရေးအတွက် ဝိုင်းဝန်းအကြံပြုဆွေးနွေးခဲ့ကြပါသည်။

          စာတမ်းတင်ပြဆွေးနွေးပေးပါသော စာတမ်းရှင်အား “ဂရိတ်ဝေါ” တိုင်းရင်းဆေးဝါးထုတ်လုပ်ရေးမှ ဆရာကြီးဦးမောင်မောင်ဦး က ချီးမြှင့်သော ချီးမြှင့်ငွေကျပ် (၁)သိန်းတိတိကို ဆရာကြီးဦးမောင်မောင်ဦး ကိုယ်စား သဘာပတိ မြန်မာနိုင်ငံတိုင်းရင်းဆေးဆရာအသင်း(ဗဟို)၊ နေပြည်တော်မှ အတွင်းရေးမှူး ဆရာကြီး ဦးကျော်စိုးက ဆုချီးမြှင့်ခဲ့ပါသည်။

          အခမ်းအနားဖြစ်မြောက်ရေးအတွက် ဆေးရုံးအုပ်ကြီး ဒေါ်မူမူချိုက ဦးဆောင်ပြီး ဆရာကြီး ဦးမောင်မောင်ဦး “ဂရိတ်ဝေါ” တိုင်းရင်းဆေးဝါးထုတ်လုပ်ရေးမှ  ပံ့ပိုးကူညီးကာ အခမ်းအနားကို ညနေ (၄:၀၀) နာရီတွင် အောင်မြင်စွာ ကျင်းပပြီးစီးခဲ့ကြောင်း သိရသည်။