the republic of the union of myanmar
ministry of health
Department of Traditional Medicine
ကရင်ပြည်နယ် တိုင်းရင်းဆေးပညာဉီးစီးဌာနမှ ကြီးမှူးကျင်းပသော စဉ်ဆက်မပြတ်တိုင်းရင်းဆေး ပညာပေးရေး အစီအစဉ် (CTME) အခမ်းအနားကို ၂၇-၂-၂၀၂၄ ရက် နေ့လယ် ၁းဝဝ နာရီတွင် ခုတင် ၅၀ ဆံ တိုင်းရင်းဆေးရုံ ဘားအံတွင် ဆောင်ရွက်ခဲ့ပါသည်။
အခမ်းအနားတွင် သဘာပတိအဖြစ် တိုင်းရင်းဆေးကောင်စီဝင် ပြည်နယ်ဉီးဌာနမှူး (ငြိမ်း) ဆရာကြီး ဦးဇော်ဝင်းမှ ဆောင်ရွက်ပြီး အခမ်းအနားမှူးအဖြစ် ဒေါ်နန်းနွယ်လွင် သူနာပြု(၃)မှ ဆောင်ရွက်ခဲ့ပါသည်။
အဆိုပါ အခမ်းအနားတွင် ဘားအံခရိုင် တိုင်းရင်းဆေးကုဌာနမှ ဒေါ်မေသဉ္ဇာဝင်း ဒုတိယတိုင်းရင်းဆေးမှူးက အအေးမိ၊နှာစေး၊ နှာရည်ယိုခြင်း၊ အာသီးရောင်ခြင်း၊လည်ချောင်းနာခြင်း၊ ချောင်းဆိုးခြင်း စာတမ်းကို ဖတ်ကြား ခဲ့ပြီး တက်ရောက်လာသော ဆရာ/ဆရာမများမှ အကြံပြုဆွေးနွေးခဲ့ကြပါသည်။
အဆိုပါအခမ်းအနားသို့တက်ရောက်သူ (၂၈)ဦး ရှိပြီး နေ့လည် ၂း၃၀ နာရီတွင်ရုပ်သိမ်းခဲ့ကြောင်း သိရသည်။
သုတအဖြာဖြာတိုင်းရင်းဆေးပညာအစီအစဉ်ကို သုတေသန/ဖွံ့ဖြိုးရေးဌာနခွဲ၊ ဖွံ့ဖြိုးရေးဌာနစိတ်မှ ဆရာ/ ဆရာမများက နေပြည်တော်မြန်မာ့အသံနှင့် မြဝတီ အသံလွှင့်ဌာန တို့မှ ပညာပေးအသံသွင်း ဟောပြော ထုတ်လွှင့်လျက်ရှိပါသည်။
